Moskva sudi yetti kishini “Hizb ut-tahrir” diniy ekstremistik guruhiga aloqadorlikda ayblab, hibsga oldi. Bu haqda “Moskva” axborot agentligi xabar bermoqda.
Hibsga olinganlarning bir nafari Rossiya fuqarosi, qolgan olti nafar fuqaro esa O‘zbekiston pasportiga ega.
Ayblanayotganlar ichida F.Kimsanov, M.Mamadaliyev, I.Sultonov, I.To‘xtasinov, G‘.Xoldorov, A.Xolmatov va M.Malikov bor.
Ayblanayotganlar Rossiya Federatsiya jinoyat kodeksining 205.5 moddasi II qismi bilan – “Rossiya Federatsiyasi qonunchiligiga muvofiq terrorchilik deb tan olingan tashkilot faoliyatida ishtirok etish” moddasi bilan ayblanmoqda.
Sud matbuot kotibi Yuliya Kotominaning so‘zlariga ko‘ra, ular 2020 yil 2 fevraliga qadar ehtiyot chorasi sifatida ushlab turiladi.