Moskvada Janubi-Sharqida yuz bergan mushtlashuvda 2 nafar O‘zbekiston fuqarosi qurbon bo‘ldi, deb xabar qilmoqda RIA Novosti.
Xabarda aytilishiga ko‘ra, 17 fevral kuni Volgograd prospektida joylashgan binolarning biri oldida mushtlashuv sodir bo‘lgan. Unda 1989 yilda tug‘ilgan fuqaro halok bo‘lgan, ikkinchi fuqaro esa - kasalxonada vafot etgan.
Ushbu jinoyat yuzasida Rossiya JKning 111 moddasining 4 bandi bo‘yicha – “Inson tanasiga ataylab og‘ir jarohat yetkazish oqibatida odam o‘ldirish” - jinoyat ish qo‘zg‘atildi, - dedi Rossiya Tergov qo‘mitasining Moskva shahar bo‘limi xodimi Yuliya Ivanova.
Ayni damda ushbu jinoyat tafsilotlari o‘rganilmoqda, tergov ishlari davom etmoqda.