Moskva markazida O‘zbekiston Birinchi prezidenti Islom Karimov haykali o‘rnatildi. Haykal Polyanka metro bekati va O‘zbekiston elchixonasi yaqinida, 1 Kazachiy ko‘chasidagi 13 uy va Bolshaya Polyanka ko‘chasidagi 39 uylar orasida, Islom Karimov nomli xiyobonda joylashgan.
Ayni damda haykal oq mato bilan o‘ralgan, uning atrofida obodonlashtirish ishlari olib borilmoqda. O‘zbekiston elchixonasi haykalning ochilish sanasi hozircha noma’lum ekanini xabar qilmoqda.
Ushbu monument Moskva shahriga Islom Karimov fondi tomonidan taqdim etilgan. Haykal muallifi britaniyalik haykaltarosh Pol Dey.
Eslatib o‘tamiz, Moskvada Islom Karimov haykali o‘rnatish va xiyobonlardan biriga O‘zbekiston Birinchi prezidenti nomini berish haqidagi qaror Moskva shahar ma’muriyati tomonidan 2016 yilda qabul qilingan edi. Haykal qurish uchun mablag‘ Islom Karimov nomli xayriya fondi tomonidan ajratilgan.