Mosvakada o‘zbekiston tish shifokori pichoqlanish oqibatida vafot etdi. Bu haqda KP xabar berdi.
Ma’lum bo‘lishicha, 13 dekabr kuni Moskva viloyatining Janubiy Medvedkovo tumanidagi xususiy shifoxonada ishlab kelayotgan o‘zbekistonlik stomatolog Jamol Odilov mijozi tomonidan pichoqlangan.
Shu kuni Moskva shahrida qo‘lga olingan 59 yoshli gumonlanuvchi Murod Oganesyanga Jamol Odilovning ishlash uslubi yoqmagan. Natijada, o‘zi bilan olib yurgan pichoqni shifokorning oshqozoniga sanchib olgan.
Jiddiy jarohat bilan shifoxonaga yotqizilgan Jamol Odilov 17-dekabr, juma kuni vafot etdi.
Yuqoridagi holat yuzasidan “Qotillikka urinish” moddasi bo‘yicha jinoyat ishi qo‘zg‘atilib, Oganesyan tergovga qadar hibsga olingan.