“O‘zbekkino” Milliy agentligi Axborot xizmatining xabar berishicha, joriy yilning 19 mart kuni Rossiyaning Moskva shahrida O‘zbekiston xalq artisti Shuhrat Abbosovning 90 yilligiga bag‘ishlab “Dilor, dilor, dil va or” (“Dusha i chest”) xotira kechasi o‘tkaziladi.
Ushbu xotira kechasi Rossiya Federatsiyasi kinematografistlar ittifoqi, O‘zbekistonning Rossiya Federatsiyasidagi elchixonasi, Rossiya kinoaktyorlar gildiyasi hamda “O‘zbekkino” Milliy agentligi hamkorligida tashkil etilmoqda. Kechaga O‘zbekiston va Rossiyaning taniqli san’atkorlari ham taklif etilgan.
Mazkur xotira kechasi Moskvadagi Kinochilar uyining katta zalida bo‘lib o‘tishi belgilangan.