Moskvaning Babushkinskiy tuman sudi Markaziy Osiyoda tug‘ilgan fuqaroni poytaxt viloyatidagi hokimiyat binolaridan birida terakt tayyorlashda ayblanib hibsga oldi. Bu haqda Gazeta.ru nashri xabar bermoqda.
Sudda aniqlik kiritilishicha, gap D.N.Abdujaborov ismli shaxs haqida ketmoqda, sud uni tergov izolyatoriga 2 oyga yuborish to‘g‘risida qaror qabul qildi.
Avvalroq FSB xodimlari Moskva viloyatida sodir bo‘lgan teraktning oldini olgani ma’lum bo‘lgandi. 1999 yilda tug‘ilgan erkak poytaxt viloyatida "hokimiyat binolaridan birida" o‘z qo‘llari bilan tayyorlangan bombani portlatmoqchi bo‘lgan. Rossiya Xavfsizlik kuchlari undan qo‘lbola portlovchi qurilmaning tarkibiy qismlarini, shuningdek, jangarilar bilan yozishmalar, portlovchi moddalar tayyorlash bo‘yicha ko‘rsatmalar va terrorchilar rahbarlariga qasamyod qilingan videoni topgan.