24 iyun kuni Moskva shahrida o‘tkazilishi rejalashtirilgan 2 jahon urushida fashizm ustidan qozonilgan g‘alabaning 75 yilligi sharafiga o‘tkazilayotgan harbiy paradda ishtirok etishi kutilayotgan o‘nta qirg‘iz askarida COVID-19 infeksiyasi aniqlandi.
Kasallanganlar bilan aloqa qilganlarning hammasi kuzatuvga qo‘yiladi. Xavfsizlik nuqtai nazaridan, paradda qatnashadiganlar to‘liq o‘zgartiriladi - Rossiyaga 79 kishidan iborat zaxira guruhi yuboriladi.
Bugungi kunda Qirg‘izistonda 2166 ta koronavirus infeksiyasi qayd etilgan, ulardan 1668 kishi tuzalib, 26 nafari vafot etgan.
Yaqin vaqtga qadar Talas viloyati epidemiya tarqalmagan yagona mintaqa bo‘lib qoldi, ammo o‘tgan kuni COVID-19 mahalliy tibbiyot xodimi tomonidan aniqlandi va bugungi kunda ushbu mintaqada yuqtirganlar soni uch kishiga etdi.
10 iyun kuni Rossiya prezidentining matbuot kotibi Dmitriy Peskov Markaziy Osiyodagi beshala respublika prezidentlari 24 iyun kuni bo‘lib o‘tadigan paradda ishtirok etishlarini tasdiqlaganliklarini ma’lum qildi. Shuningdek, Moldova, Serbiya, Xorvatiya, Abxaziya, Janubiy Osetiya rahbariyatining ham ishtiroki tasdiqlandi.
Mavzuga doir: Mirziyoyev Moskvadagi G‘alaba paradida qatnashishga rozi – Peskov
Mavzuga doir: Koronavirus yuqtirgan Armaniston rahbari Moskvadagi paradda qatnashadi