AOKA shtabida Ichki ishlar vazirligi matbuot kotibi Shoxrux G‘iyosov ishtirokida brifing o‘tkazildi.
IIV matbuot kotibining xabar berishicha, Respublika maxsus komissiyasi qarori bilan avtotransport vositalari egalariga qulaylik yaratish hamda muddati tugagan hujjatlar uchun yengillik berish maqsadida:
- barcha ruxsat berish xususiyatiga ega bo‘lgan hujjatlar (litsenziya va ruxsatnomalar);
- shaxsni tasdiqlovchi hujjatlar (fuqarolik pasporti, chet el fuqarolari va fuqaroligi bo‘lmagan shaxslarning O‘zbekiston Respublikasida yashashiga ruxsatnoma);
- avtotransport vositalarini boshqarish uchun talab qilinadigan hujjatlar (sug‘urta polisi, ishonchnoma, texnik ko‘rikdan o‘tganligini tasdiqlovchi hujjatlar) amal qilish muddati 2020 yil 1 iyulga qadar uzaytiriladi.
Bunda, ularning muddati o‘tganligi munosabati bilan yuridik va jismoniy shaxslarga javobgarlik va boshqa ta’sir choralari qo‘llanilmaydi.