Murod Xonto‘rayev katta tanaffusdan so‘ng yana ringga qaytmoqda
11.09.2019 10:38,
140
Mashhur MMA yulduzi Murod Xonto‘rayev katta tanaffusdan so‘ng yana ringga qaytmoqda.
Hamyurtimiz 22 sentyabr kuni poytaxtimizdagi "O‘zbekiston" sport majmuasida o‘z professional jangini o‘tkazadi. Hozircha raqib nomi ma’lum emas. Bu haqda Olamsport.uz nashri xabar berdi.
MMA olamida “Osiyo ayig‘i” nomi bilan tanilgan Murod so‘nggi jangini 2017 yilning 17 dekabr kuni Qozog‘istonning Qarag‘anda shahrida ukrainalik Yuriy Gorbenkoga qarshi o‘tkazib g‘alaba qozongan edi.
O‘tgan yilning 26 noyabr kuni o‘zbekistonlik aralash qoidali janglar ustasi Murod Xonto‘rayev Toshkent savdo majmuasida joylashgan ofisida pichoqlab ketilgandi.