Avval xabar qilganimizdek, shu yil 17 avgust kuni bomdod namozidan boshlab, yurtimizdagi barcha 2070 ta jome masjid o‘z eshiklari yana mo‘min-musulmonlarga ochadi. Haqiqatan, barcha mo‘min-musulmonlarimiz jomelarda namoz o‘qishni juda ham sog‘inishdi.
O‘zbekiston musulmonlari idorasi matbuot xizmatining ma’lum qilishicha, ayrim sayt va ijtimoiy tarmoqlarda masjidlar haftada to‘rt kun ishlaydi, juma, shanba va yakshanba kunlari esa faoliyat ko‘rsatmasligi haqidagi xabarlar anglashilmovchilik oqibatidir.
2020 yil 17 avgustdan boshlab barcha hududlarda masjidlar ochiladi
Masjidlar faoliyat boshlashi uchun muhim tavsiya va talablar ma’lum qilindi
«Masjidlar haftada har kuni o‘z ish faoliyatini olib boradi, faqat juma namozi epidemiologik vaziyat barqarorlashgunga qadar vaqtincha ado etilmay turadi. Duo va tazarrularda bardavom bo‘lib tursak, bu fayzli ibodatga ham Alloh taolo nasib etadi» - deyiladi idora xabarida.
Ma’lum qilinishicha, maxsus komissiya qaroridagi «juma va shanba-yakshanbalik diniy xizmatlar» deyilganda, turli din vakillarining (islom, xristian, yahudiylik va h.k.) katta diniy tadbirlari nazarda tutilgan.