"Real Madrid" kelgusi yil yozida asosiy e’tiborni "PSJ" hujumchisi Kilian Mbappeni sotib olishga qaratmoqchi.
Parij jamoasi bu xabarni qirollik klubining ashaddiy raqibi "Barselona" rahbariyatiga yetkazgan, deya xabar beradi "Diario Sport". Ta’kidlash kerakki, "Real" aynan Mbappeni sotib olish uchun shu yil yozida Neymar transferidan voz kechgandi.
Fransiya klubi bu yilgi YeChLning "A" guruhidan joy oldi. "PSJ" jamoasi guruh bahslarida Belgiyaning "Bryugge" , Turkiyaning "Galatasaroy" hamda Madridning "Real" klubi bilan kurash olib boradi.