Ijtimoiy tarmoqlarda Namangan shahridagi “Chorsu” dehqon bozori ochilgani va qayta yopilgani haqida tarqalayotgan xabarlar haqiqatga to‘g‘ri kelmaydi. Bu haqda Namangan viloyati hokimligi xabar qildi.
Hozirda bozor faoliyatini qayta tiklashga tayyorgarlik ko‘rish hamda bozorga tashrif buyuruvchi va xizmat ko‘rsatishga jalb etilgan xodimlar xavfsizligini ta’minlash borasidagi yaratilgan sharoitlarni o‘rganish olib borilmoqda.
Bozor faoliyatini tiklashga viloyat koronavirus infeksiyasiga qarshi kurash ishlarini muvofiqlashtirish shtabi va viloyat sanitariya-epidemiologik osoyishtalik markazining ijobiy xulosasi olingandan so‘ng ruxsat beriladi va bu haqda ma’lum qilinadi.