Namangan viloyati hokimi Xayrullo Bozorov To‘raqo‘rg‘on tumanida joylashgan Eksport hajmini oshirish bo‘yicha Namangan viloyati shtabida bo‘ldi.
2020 yil davomida Namangan viloyatidan Rossiya, Xitoy, Turkiya, Germaniya, Ukraina, Qozog‘iston, Qirg‘iziston va boshqa o‘nlab davlatlarga jami 450 million dollardan ortiq qiymatdagi mahsulotlar eksport qilinishi rejalashtirilgan.
Buning 200 million dollardan oshig‘i meva-sabzavot va poliz ekinlariga to‘g‘ri keladi. Birgina gilosning o‘zidan may-iyun oylarida 17,8 million dollarlik eksport qilish bo‘yicha kelishuvlar mavjud.