Namangan viloyat hokimligida sessiya bo‘lib o‘tmoqda. Unda viloyatga yangi rahbar tanishtiriladi.
Kun.uz manbasining ma’lumotiga ko‘ra, katta ehtimol bilan O‘zbekiston Respublikasi ekologiya va atrof-muhitni muhofaza qilish davlat qo‘mitasi raisi bo‘lib ishlab kelayotgan Abdurazzaqov Shavkat Shokirjonovich viloyat hokimi sifatida ish boshlaydi.
Shavkatjon Abdurazzoqov 1976 yilda tug‘ilgan. Namangan muhandislik-texnologiya institutini 1998 yilda hamda Davlat va jamiyat qurilishi akademiyasini 2006 yilda tamomlagan. 2015−2017 yillarda Namangan tumani hokimi bo‘lib ishlagan. So‘ngra 2017-2020 yillarda Namangan shahar hokimi lavozimida ishlagan. 2020 yil mart oyidan Ekologiya va atrof-muhitni muhofaza qilish davlat qo‘mitasi raisi lavozimida faoliyat yuritib kelgan.
Avvalroq Namangan viloyati hokimi lavozimida ishlab kelayotgan Xayrullo Bozorov Farg‘ona viloyati hokimi sifatida jamoatchilikka tanishtirilishi bo‘yicha xabar bergan edik.