Joriy yil 7 sentyabr kuni soat 23:30 larda, Namangan shahar Davlatobod tumanida yashovchi, 2014 yilda Jinoyat kodeksining 169-moddasi 4-qismi bilan sudlangan, 1996 yilda tug‘ilgan fuqaro A.R. Namangan shahar Davlatobod tumanida yashovchi, 1986 yilda tug‘ilgan tanishi B.N. bilan birga qo‘shnisi, 1968 yilda tug‘ilgan ayolni yashash xonadonida spirtli ichimlik iste’mol qilib, mast holda o‘zaro janjallashib qolib, fuqaro A.R. qo‘lida bo‘lgan osh pichoq bilan B.N.ni bo‘yin sohasiga bir marotaba urgan. Bu haqda Namangan viloyati IIB Axborot xizmati xabar berdi.
Natijada B.N. og‘ir tan jarohati olib, shifoxonaga yotqizilgan.
Ushbu holat bo‘yicha Namangan shahar IIB huzuridagi Tergov bo‘linmasi tomonidan 2021 yil 7 sentyabr kuni Jinoyat kodeksining 104-moddasi 2-qismi bilan jinoyat ishi qo‘zg‘atilgan.