Namangan viloyatida Chexiyaning «PSP Engineering» kompaniyasi bilan bazalt tog‘ jinslariga qayta ishlov berish orqali ulardan tolali materiallar olish loyihasini amalga oshirish bo‘yicha muzokaralar o‘tkazildi.
Muzokaralar doirasida «PSP Engineering» kompaniyasi vakillari Namangan viloyatida sement zavodi qurishga tayyor ekanini yana bir tasdiqladi. Bugun muhandislik va asosiy loyihalash bo‘yicha hujjatlar ishlab chiqilmoqda.
«Pro Euro Cement» MChJ qo‘shma korxonasi «Arona International b.v.» va «PSP Engineering» ishtirokida loyiha buyurtmachisi sifatida faoliyat yuritadi. Zavodning qurilishi taxminan uch yil davom etadi.