Joriy yilning 02 oktyabr kuni soat 00-13 da Namangan tuman Favqulodda vaziyatlar bo‘limini 101 qisqa raqamiga Namangan tumani “Qurama” mahalla fuqarolar yig‘ini Qorasuv ko‘chasi 2 uyda joylashgan “Zamin Metal Sanoat” Ma’suliyati cheklangan jamiyatga qarashlik 1-AGTKSh (avtomabillarga gaz to‘ldirish kompressor shaxobchasi)da yong‘in sodir bo‘layotganligi to‘g‘risida ma’lumot kelib tushgan.
Namangan tuman va Namangan shahar Favqulodda vaziyatlar bo‘limlari pudlik bilan voqea joyiga soat 00-25 da yetib borgan hamda yong‘in soat 00-27da qurshab olingan.
Yong‘in natijasida shaxobchani birinchi gaz quyish uskunasi va shift qismida 40 kv.metr joyi yonib zararlangan.
Sodir bo‘lgan yong‘inni yong‘in-qutqaruvchilar tomonidan soat 00-45da o‘chirildi.
Sodir bo‘lgan yong‘in natijasida insonlarni kuyish tan jarohati olish hamda halok bo‘lish holatlariga yo‘l qo‘yilmagan.
Hozirda sodir bo‘lgan yong‘in yuzasidan tergovga qadar surushtiruv ishlari olib borilmoqda.