28 may kuni Namangan viloyati Norin tumani Katta Yaydoq MFYda 34 yoshli M.K. va uning jiyani 22 yoshli K.M. jamiyatda yurish turish qoidalarini qasddan mensimasdan tartibbuzarlik sodir qilishadi.
IIV huzuridagi Tergov departamentining ma’lum qilishicha, qarindoshlar jamoat joyi hisoblangan Haqqulobod-Chinobod avtomobil yo‘lining Norin tuman Tibbiyot birlashmasi binosining qarshi tomonida hech bir sababsiz 26 yoshli B.A.ni qo‘llari bilan urib-do‘pposlab, tan jarohati yetkazadi va B.A.ning boshqaruvida bo‘lgan “Nexia” rusumli avtomashinaning old orqa va yon oynalarini sindirib, avtomashinaga zarar yetkazishgan.
Holat yuzasidan Norin tumani IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 277-moddasi 2-qismi «a,b» bandlari (bezorilik) bilan jinoyat ishi qo‘zg‘atilgan.