Afro-amerikalik Jorj Floydning o‘limi tufayli boshlangan norozilik namoyishlari AQShda davom etmoqda.

Amerika Qo‘shma Shtatlari poytaxtidagi tartibsizliklar tufayli shahar yaqiniga 1,6 mingga yaqin harbiy joylashtirildi. Bu haqda Pentagon rasmiy vakili Jonatan Hoffmanga tayanib Reuters agentligi xabar beradi.

Hoffmanning ta’kidlashicha, qo‘shinlar Vashingtonda emas, balki Vashington aglomeratsiyasidagi harbiy bazalarda joylashgan. Harbiylar hozircha fuqarolik hokimyatlariga yordam bermaydilar, biroq ular "jangovar shay" holatda turadilar.