Qonunchilik palatasi deputatlari 30 dekabr kuni Narzullo Oblomurodov nomzodini Ekologiya va atrof-muhitni muhofaza qilish davlat qo‘mitasi raisi lavozimiga ma’qulladi.
Xabar qilinishicha, Qonunchilik palatasining navbatdagi majlisi bo‘lib o‘tgan. Unda deputatlar Ekologiya va atrof-muhitni muhofaza qilish davlat qo‘mitasi raisi lavozimiga Narzullo Oblomuradov nomzodini ko‘rib chiqib, ma’qullagan.
U shu kunga qadar Ekologik partiyasi raisi lavozimida ishlab kelayotgan edi.
Amaldagi qonun hujjatlariga muvofiq, Vazirlar Mahkamasi a’zolari, vazirlar lavozimga tayinlanishidan avval ularning nomzodi Quyi palatada deputatlar tomonidan ko‘rib chiqiladi.