Bu haqda «O‘zbekiston milliy elektr tarmoqlari» aksiyadorlik jamiyati axborot xizmati ma’lum qildi.

Loyiha yuzasidan Energetika vazirligi, «O‘zbekiston milliy elektr tarmoqlari» aksiyadorlik jamiyati hamda Birlashgan Arab Amirliklarining «Masdar Energy» kompaniyasi o‘rtasida videokonferensiya shaklidagi bitim imzolandi.

Ushbu investitsion loyihaning umumiy qiymati 825 mln. AQSh dollari hisobida baholangan bo‘lib, u investor tomonidan 100% to‘g‘ridan-to‘g‘ri moliyalashtirilishi nazarda tutilgan.

Ishlab chiqariladigan energiya resurslari «O‘zbekiston milliy elektr tarmoqlari» aksiyadorlik jamiyati tomonidan yagona xaridor sifatida qabul qilinib, O‘zbekiston elektr energetika umumtizimi orqali iste’molchilarga yetkazib beriladi.