Navoiyda fuqaroning uyidan xavfli ilon topildi. FVV xabariga ko‘ra, 22 iyun kuni soat Navoiy viloyati Favqulodda vaziyatlar boshqarmasi tezkor navbatchisiga G‘alaba shohko‘chasida istiqomat qiluvchi A.A tomonidan uyida ilon ko‘rganligi to‘g‘risida ma’lumot kelib tushgan.

Mazkur murojaat yuzasidan ilon chaqishi bilan bog‘liq favqulodda vaziyatning oldini olish maqsadida, navbatchi guruhi qutqaruvchilari zudlik bilan voqea joyiga yetib borishgan.

Qayd etilishicha, qutqaruvchilar  xonadonni sinchkovlik bilan tekshirib chiqishgan va fuqarolar hayotiga xavf soluvchi ilonni topishgan.

Shundan so‘ng ilon aholi punktidan uzoqroq bo‘lgan joyga qo‘yib yuborildi. Xonadon egalariga mutaxassislar tomonidan psixologik yordam ko‘rsatilib, zaruriy tavsiyalar berildi.