Ijtimoiy tarmoqlarda Zarafshonda oltin qazish niyatida bo‘lgan 40−50 kishini qum bosib qolgani haqida xabarlar tarqaldi.
Favqulodda vaziyatlar vazirligi holat yuzasidan ma’lumot berdi. Unga ko‘ra, dastlabki surishtiruv davomida 40−50 kishining qum bosib qolganligiga oid ma’lumot o‘z isbotini topmadi.
Aslida 13 noyabr kuni soat taxminan 22:00 larda Konimex tumani «Karakata» OFY hududida joylashgan Lolazor nomli cho‘l hududida bir guruh fuqaro tuproq tarkibidan tilla qumlarini kavlab olish bilan shug‘ullangan va kutilmaganda qum ostida qolgan. Oqibatda 4 nafar fuqaro hayotdan ko‘z yumgan.
Surishtiruv ishlari davom ettirilmoqda.
Bosh prokuratura axborot xizmati rahbari Hayot Shamsutdinovning ma’lum qilishicha, mazkur holat yuzasidan tuman prokuraturasi tomonidan tergovga qadar tekshirish harakatlari olib borilmoqda.