Navoiyda yo‘q reysga bilet sotgani aytilmoqda

Navoiyda yo‘q reysga bilet sotgani aytilmoqda

Qayd etilishicha, 2021 yilning 8 noyabr kuni tushdan keyin Rossiyaning IFly aviakompaniyasi tomonidan Navoiy–Moskva va Navoiy–Sankt-Peterburg yo‘nalishlari bo‘yicha parvoz qilish niyatida 200 nafar yo‘lovchi Navoiy xalqaro aeroportiga kelgan. Biroq bu reyslar jadvalda bo‘lmagan.

Yo‘lovchilarning so‘zlariga ko‘ra, ular aviachiptalarni "Vostok Buxoro" kompaniyasining Samarqand, Buxoro va Urganch shaharlarida joylashgan turli filiallaridan xarid qilgan.

Navoiy aeroporti xodimlari chiptalarni sotgan kompaniya bilan bog‘lanib, yo‘lovchilarga kerakli ma’lumotlarni yetkazishni va vaziyatni bartaraf etishni talab qilgan. Kompaniya vakillari barcha yo‘lovchilarga chipta pullari qaytarilishini ma’lum qilgan.