Navoiy viloyati Nurota tumanida yashovchi fuqaro A.S. tumanidagi “Qorako‘l naslchilik” MChJ hududidagi yaylov oralaridan 1050 dona “sassiq kovrak” o‘simligi butalarini o‘sishdan to‘xtash darajasigacha shikast yetkazib, o‘simlik butalarini nobud qilgan. Bu haqda Navoiy viloyati Ekologiya va atrof-muhitni muhofaza qilish sohasidagi nazorat bo‘yicha inspektorlar tomonidan reyd tadbirlari davomida ma’lum bo‘ldi.
Ushbu holat yuzasidan fuqaroga nisbatan O‘zbekiston Respublikasi MJtKning 79- moddaning 1-qismi bilan ma’muriy bayonnoma rasmiylashtirilib, 1 mln 115 ming so‘m jarima hamda 23 mln 415 ming so‘m tabiatga yetkazilgan zarar hisoblandi.