O‘zbekiston Respublikasi IIV huzuridagi Tergov departamentining xabariga ko‘ra: 2021 yilning 22 fevral kuni soat 17:30 larda Sergeli tumani Qo‘yliq dahasida joylashgan avtomashina yuvish shoxobchasining yollanma ishchisi 37 yoshli Qahramonjon E.,ga 29 yoshli Ziyoda R., o‘ziga tegishli bo‘lgan “Nexia-3” rusumli avtomashinasini yuvdirish maqsadida, kaliti bilan qoldirib ketganligidan foydalanib, ushbu avtomashinani noma’lum tomonga olib qochgan.
Olib borilgan tezkor qidiruv harakatlari natijasida, ushbu avtomashina Andijon viloyati YHXB xodimlari tomonidan viloyat hududida shikastlangan holatda topilgan.
Mazkur holat yuzasidan Sergeli tumani bo‘yicha IIO FMB huzuridagi Tergov bo‘linmasi tomonidan Qahramonjon E.,ga nisbatan O‘zbekiston Respublikasi Jinoyat kodeksining 267-moddasi 1-qismi (Transport vositasini olib qochish) bilan jinoyat ishi qo‘zg‘atilgan.
Hozirda Qahramonjon E.,ni ushlash choralari ko‘rilmoqda.
Departament ogohlantiradi: Hurmatli fuqarolar moddiy boyliklaringizga befarq bo‘lmang, o‘zingiz tanimagan shaxslarga avtomashinangizni ishonib topshirmang.