Fransiya va Italiya matbuoti Nitssadagi cherkovga hujum qilgan yigitning bir oycha avval Tunisdan kelgani haqida yozmoqda.

Yigit 20 sentyabr kuni u Lampeduza oroliga yetib kelgan, 9 oktyabrda esa Italiyaning Bari shahridagi muhojirlarni vaqtinchalik saqlash markaziga jo‘natilgan. Hujum bo‘lgan kuni u Italiyadan Fransiyaga Qizil Xoch tomonidan berilgan hujjatlar bilan poyezdda kelgan.

Fransiya prokuraturasining aksilterror bo‘limi rahbari Jan-Fransua Rikardning so‘zlariga ko‘ra, videokameralar tunislikning Nitssa temir yo‘l stansiyasida qanday qilib kiyim almashtirganini yozib olgan. Shundan so‘ng u sobor tomon piyoda ketgan.

Hibsga olish paytida bosqinchining yonidan 17 santimetrli pichoq, ikkita telefon va Qur’on Karim kitobi topilgan. U o‘qotar quroldan jarohat olgan va kasalxonaga qo‘riq ostida yuborilgan.

Hozirda Tunis hukumati Nitssadagi teraktga ilgari noma’lum guruhning aloqalarini tekshirmoqda. RIA Novosti agentligining birinchi instansiya sudi matbuot xizmati rahbari Muhsin ad-Daliga tayanib yozishicha, "Prokuratura Nitssadagi terroristik operatsiya uchun javobgarlikni o‘z zimmasiga olgan "Tunis janubidagi Al-Mahdi "nomli tashkilot borligi haqidagi ma’lumotlarning ishonchliligi bo‘yicha tekshiruv boshlashga qaror qildi".

Ad-Dalining so‘zlariga ko‘ra, tergov ijtimoiy tarmoqlarda Fransiyaning Nitssadagi teraktni ko‘rsatilgan guruh tomonidan uyushtirilganligi haqida e’lon qilinganidan keyin boshlangan.

Notr-Dam cherkoviga hujum qilgan yigitning ismi Ibrohim al-Auisaui. Nitssa shahar hokimi yigit qo‘lga olingan paytda va undan oldin bir necha marta “Allohu Akbar” deb baqirgani haqida Tvitterda yozgan edi.

Fransiyadagi cherkov yonida noma’lum shaxs odamlarga hujum qildi