Niderlandiyadagi mo‘yna ishlab chiqarish fabrikasida norkadan odamga yangi turdagi koronavirus yuqish holati qayd etildi. Bu haqda mamlakat qishloq xo‘jaligi vaziri parlamentga yo‘llagan xatida ma’lum qildi.

Aprel oyida Shimoliy Brabant viloyatidagi 2 ta mo‘ynachilik fermasidagi norkalarda Covid-19 qayd etilgan. U yerda bunday hayvonlardan 20 minggi boqiladi. Fermer xo‘jaliklarining o‘zi mamlakatdagi Covid-19 tarqalish o‘chog‘ida joylashgan.

Ta’kidlanishicha, norkalar kasallikning alomatlari aniqlangandan keyin sinovdan o‘tgan. Xususan, ular nafas olishda qiynalishgan.

Shundan keyin hokimiyat ehtiyot choralari sifatida fermer xo‘jaliklariga kirishni cheklab qo‘ydi.