Niderlandiyada rassom Frans Xalsning "Bir bokal pivo bilan kulib turgan ikki yigit" kartinasi uchinchi marta o‘g‘irlandi, deb xabar bermoqda Daily Mail.

Surat Utrext atrofidagi kichik muzeyda saqlangan. Uni 1626 yilda Frans Xals chizgan. Muallif golland san’atning oltin davridagu taniqli ustalaridan biri sanaladi.

O‘g‘rilar erta tongda muzeyga kirishgan. Ogohlantiruvchi signal soat 03:30 da yangradi, ammo politsiya muzeyga yetib kelgan payt o‘g‘rilar qochib qolishdi.

Rasm birinchi marta 1988 yilda Yakob van Reysdal asari bilan birga o‘g‘irlangan. Ikkala rasm ham uch yildan so‘ng topildi. Xuddi shu rasmlarni 2011 yilda Xofe van Arden degan odam muzeydan yana o‘g‘irlangan va olti oy o‘tgach suratlar topilgan.

Mahalliy ommaviy axborot vositalarining xabarlariga ko‘ra, 2011 yilgi o‘g‘irlikdan so‘ng muzeyning eng qimmatbaho eksponatlari jamoat uchun yopiq joyda saqlangan bo‘lib, uni faqat bitta xodim bilan tashrif buyurish mumkin. Rasmning qiymati 15 million yevroga baholanmoqda.