AOKAda o‘tkazilgan brifingda ushbu savolga Iqtisodiy taraqqiyot va kambag‘allikni qisqartirish vazirining birinchi o‘rinbosari Ilhom Norqulov javob qaytardi:

«Prezidentning qarori bor, taksichilar deganda yuridik shaxs sifatida ro‘yxatdan va har kunlik tibbiy va texnik ko‘rikdan o‘tishi lozim. Bu bo‘yicha ish olib boryapmiz. Lekin texnik nuqtai nazardan juda qiyin bo‘lyapti. Chunki davlat ruxsat bergandan keyin kafolatlangan bo‘lishi kerak. 

Shuningdek, taksichilarga qo‘yiladigan ayrim talablar bor. Masalan, albatta, agregatlarga ulangan bo‘lishi lozim. Ya’ni, siz kim bilan ketayotganingizni bilishingiz kerak. Qolaversa, muayyan vaqtda texnik va tibbiy ko‘rikdan o‘tishi lozim. 

Bir-ikki oy ichida Vazirlar Mahkamasiga taklif kiritamiz. Sababi bir tomonda, o‘z-o‘zini band qilgan kirakashlar manfaati turgan bo‘lsa, ikkinchi tomonda jamoatchilik manfaati turibdi».