Ma’lum bo‘lishicha, shu yil 25 iyul kuni Nishon tumanida fuqarolar IIB HPB profilaktika inspektorlarini chaqirgan. Ushbu chaqiriqqa asosan fuqaro Nursoat Muxammadiyev mast holatda olib ketilgan va viloyat narkologiya dispanseriga yotqizilgan. Fuqaro ertasi kuni vafot etgan.
Ta’kidlanishicha, ushbu holat yuzasidan Qarshi tumani prokuraturasi tomonidan tergovga qadar tekshirish harakatlari olib borilmoqda.
Marhumning o‘lim sabablarini aniqlash maqsadida sud-tibbiy ekspertizasi tayinlangan.
Bundan tashqari, N.Muxammadiyevni viloyat dispanserida vafot etganligi hodisasi bo‘yicha viloyat Sog‘liqni saqlash va Ichki ishlar boshqarmalariga xizmat tekshiruvi tayinlangan.