Nissan Ispaniyadagi zavodida 3 ming xodimni vaqtinchalik ishdan bo‘shatdi
23.03.2020 14:58,
66
Yaponiyaning Nissan avtoshirkati Ispaniyadagi zavodida ishlovchi 3 ming xodimni koronavirus pandemiyasi tufayli vaqtinchalik ishdan bo‘shatdi. Bu haqda RIA Novosti xabar bermoqda.
Barselonadagi zavod 13 martdan beri ishlamayapti. Infeksiyaning tarqalishini cheklash tufayli qabul qilingan qarorlar kompaniyani bunday yo‘l tutishga majbur qilgan. Shuningdek, Angliyadagi zavod ham noma’lum muddatga faoliyatini to‘xtatgan.
Ispaniyada Covid-19 koronavirusini yuqtirib olganlar soni 25 mingga yetdi. Ulardan 1326 nafari hayotdan ko‘z yumdi.