Qozog‘iston poytaxti Nur-Sulton shahrida ko‘ngilochar markazlari va mehmonxonalari bo‘lgan sayyohlik mavzesi barpo etiladi.
Shahar hokimligining ma’lum qilishicha, mavzening qurilishi bilan BAAning Ellington Properties Development LLC kompaniyasi shug‘ullanadi. Poytaxt hokimi Altay Kulginov va Ellington Properties Development LLC direktorlar kengashi raisi Jozef Tomas o‘rtasida 29 oktyabr kuni “Ostona” xalqaro moliya markazida bo‘lib o‘tgan uchrashuvda mazkur loyihaning tafsilotlari muhokama qilindi.
Loyihaga 1 milliard dollar sarflanishi, qurilish ishlari 5-6 yil davom etishi kutilmoqda.
Nusr-Sulton hokimligi ma’lumotiga qaraganda, Qozog‘iston poytaxtiga har yili o‘tacha 1,3 million xorijlik keladi.