Nurafshon hokimi xizmat avtomobili qoida buzgani aks etgan video yuzasidan ma’lumot berildi
7.09.2021 20:59,
1095
Ijtimoiy tarmoqda «Toshkent viloyati, Nurafshon shahar hokimining xizmat avtomobili qoidalarga amal qilmaydimi?» sarlavhasi ostida video tarqaldi. Holat yuzasidan YHXBB ma’lumot berdi.
Qayd etilishicha, ijtimoiy tarmoqda Captiva rusumli, 10 107 TVH davlat raqam belgili avtomobil piyodalar o‘tish joyida to‘xtab turgani aks etgan video tarqalgan va keng jamoatchilik e’tirozlariga sabab bo‘lgan.
Video Toshkent viloyati IIBB YHXB mas’ul xodimlari tomonidan o‘rganilgan va qoidani buzgan haydovchiga nisbatan bayonnoma tuzilib, BHMning 2 baravari miqdorida jarima belgilangan.