Rossiyalik MMA jangchi Xabib Nurmagomedov va amerikalik Toni Fergyuson o‘rtasidagi jang tomoshabinlarsiz bo‘lib o‘tadi, deb Yahoo! Sports ma’lum qildi.
Bu haqda UFC rahbari Dana Uayt xabar berdi. Promoushen koronavirus pandemiyasi tufayli tadbirni yopishga majbur bo‘ldi.
Men jang qayerda bo‘lishini bilaman. Ammo buni hozircha aytishga tayyor emasman. U yerda muxlislar va fanatlar bo‘lmaydi. Bu yopiq tadbir, dedi Uayt.
Avvalroq, UFC rahbari Xabib va Fergyuson jangi uchun joy topgani haqida xabar berilgandi.