Vazirlar Mahkamasi huzuridagi Atom energetikasini rivojlantirish agentligi kelgusida Energetika vazirligi huzuridagi Atom energetikasini rivojlantirish agentligi etib qayta tashkil etildi va vazirlik tuzilmasiga o‘tkazildi. Bu Prezidentning "O‘zbekiston Respublikasi yoqilg‘i-energetika tarmog‘ini boshqarish tizimini tubdan takomillashtirish chora-tadbirlari to‘g‘risida"gi farmonida ko‘zda tutilgan.

Shuningdek, Vazirlar Mahkamasi huzuridagi O‘zbekiston neft mahsulotlari va gazdan foydalanishni nazorat qilish davlat inspeksiyasi Neft mahsulotlari va gazdan foydalanishni nazorat qilish inspeksiyasi etib;

Vazirlar Mahkamasi huzuridagi Elektr energetikada nazorat bo‘yicha davlat inspeksiyasi Elektr energetikada nazorat inspeksiyasi etib qayta tashkil etilib , vazirlik tuzilmasiga o‘tkazilishi belgilandi.

Vazirlikning asosiy vazifasi yoqilg‘i-energetika tarmog‘ida yagona davlat siyosatini amalga oshirish hisoblanadi.

Hujjatga muvofiq, “Energiya tejash milliy kompaniyasi” aksiyadorlik jamiyati tugatildi.