O‘zbekiston prezidenti Shavkat Mirziyoyevning Fransiyaga rasmiy tashrifi yakuniga ko‘ra, hukumatlararo va idoralararo 10 ta hujjat imzolandi.
Eslatib o‘tamiz, Mirziyoyev Fransiya prezidenti Emmanuel Makronning taklifiga binoan 8-9 oktyabr kunlari rasmiy tashrif bilan ushbu mamlakatda bo‘ldi.
"Davlat rahbarlarining Yelisey saroyida o‘tgan muzokaralari har tomonlama samarali bo‘ldi. Ikki mamlakat uchun manfaatli va uzoq muddatli kelishuvlarga erishildi", - deb xabar qilgan prezident matbuot xizmati.
Prezident 9 oktyabr kuni Parijdan Toshkentga jo‘nab ketgan. 10 oktyabr kuni Shavkat Mirziyoyev Fransiyaga amalga oshirgan rasmiy tashrifini yakunlab, Toshkentga qaytib keldi