Xabaringiz bor, O‘zbekistondagi eng baland bino — "Nest One" Tashkent City xalqaro ishbilarmonlik markazida bunyod etilmoqda. Bo‘lg‘usi osmono‘par bino 51 qavatdan iborat bo‘ladi va u 266,5 metr balandlikka ko‘tariladi.
Ushbu loyihadagi ko‘chmas mulklar ertaga, 14 sentyabrdan sotuvga qo‘yiladi.
«Cambridge» o‘quv markazlari tarmog‘i asoschisi va egasi Jahongir Po‘latov ushbu osmono‘par binodan birinchi bo‘lib uy sotib olmoqchiligini o‘z Instagram sahifasi orqali ma’lum qildi.
«Yaxshi insonlarga qo‘shni bo‘laman. Xudo xohlasa, "NestOne"dan birinchi bo‘lib uy olaman. Qoyil qoldim», — deya o‘z fikrini bildirgan tadbirkor.