Yamayka rahbariyati Buyuk Britaniya qirolichasi Yelizaveta II ni Karib dengizi davlati rahbari maqomidan mahrum qilib, qonunchilikka o‘zgartirish kiritmoqchi. Bu haqda payshanba kuni The Gleaner nashri xabar berdi.
Uning so‘zlariga ko‘ra, bosh vazir Endryu Xolness bu niyatini Yamaykaga rasmiy tashrif bilan kelgan qirolichaning nabirasi Kembrij gertsogi Uilyam bilan uchrashuvda ma’lum qilgan. «Biz olg‘a intilyapmiz va mustaqil, rivojlangan va farovon davlat sifatidagi asl ambitsiyalarimizni imkon qadar tezroq ro‘yobga chiqarish niyatidamiz», — dedi bosh vazir.
Qirollik oilasi a’zosining tashrifi mustamlakachilikka qarshi noroziliklarni keltirib chiqardi, uning ishtirokchilari Buyuk Britaniyadan qullik uchun tovon to‘lashni va Yamaykani respublikaga aylantirishni tezlashtirishni talab qilishdi.
Davlat boshlig‘i Buyuk Britaniya qirolichasi Yelizaveta II bo‘lib, u mamlakat bosh vazirining tavsiyasiga ko‘ra tayinlanadigan general-gubernator tomonidan taqdim etiladi.