Federal xavfsizlik xizmati (FXX) xodimlari Rossiyada o‘g‘irlangan bank kartalarini 90 ta onlayn-do‘kon orqali sotayotgan 30 dan ortiq xakerlarni hibsga oldi. Bu haqda FXXga tayanib, RIA Novosti xabar bermoqda.

Ta’kidlanishicha, tajovuzkorlar Rossiya va xorijiy moliya institutlarining kredit va debet kartalari ma’lumotlarini o‘g‘irlab sotishgan.

Pulni turli mamlakatlar fuqarolari yo‘qotishgan (ularning aniq soni hozircha noma’lum), ushlanganlar internet orqali turli hil qimmatbaho buyumlar sotib olgan. 

Xakerlar Qrim, Shimoliy Osetiya, Kaluga, Leningrad, Moskva, Pskov, Samara va Tambov viloyatlarida, shuningdek Moskva, Sankt-Peterburg va Sevastopolda hibsga olingan.