1975 y.t. Nurota tumani Yangiturmush MFYda yashovchi U.X tuman IIB boshlig‘i nomiga ariza bilan murojaat qilib, noma’lum shaxs uning otariga g‘ayriqonuniy ravishda kirib,  bozor narxi 2 mln. 300 ming so‘mlik ikki bosh qo‘yini o‘g‘irlab ketganligini ma’lum qilgan. "O‘g‘ri o‘g‘irlab yo‘lga tushar, Oxiri borib qo‘lga tushar" - deganlaridek, Tuman IIB xodimlari tomonidan olib borilgan surishtiruvlar natijasida o‘g‘irlik jinoyatini U.Xning mahalladoshi, 1985 y.t. "Yangiturmush" MFYda yashovchi, muqaddam sudlanmagan fuqaro X.E 2021 yil 9 yanvar kuni sodir etganligi aniqlangan. Bu haqida Navoiy viloyati IIB Axborot xizmati xabar bermoqda.

Mazkur holat yuzasidan X.Ega nisbatan Jinoyat kodeksining 169-moddasi, 3-qismi bilan jinoyat ishi qo‘zg‘atilgan. Hozirda surishtiruv ishlari davom etmoqda.