2021 yilning oktyabr oyida inflyasiya 1,3% ni tashkil etdi. Joriy yilning boshidan iste’mol sektorida narxlarning o‘sish darajasi 7,3 foizni, yillik nisbatda esa 10,6 foizni tashkil etdi.
Yillik nisbatda, joriy yilning oktyabrida oziq-ovqat mahsulotlari narxlari 14 foizga oshib, uchta asosiy guruhlar orasida narxlar oshishi bo‘yicha yetakchi bo‘ldi. 2020 yilning oktyabr oyidan nooziq-ovqat mahsulotlar narxlari 8 foizga, xizmatlar — 8,4 foizga oshgan.
Oktyabr oyida asosiy oziq-ovqat mahsulotlari orasida (meva-sabzavotlardan tashqari) tuxum (11,2%) va tovuq go‘shti (3,6−4,1%) sezilarli darajada o‘sdi.
Joriy yilning oktyabr oyida spirtli ichimliklar 1 foizga, jumladan, spirtli ichimliklar va likyorlar 1,3 foizga, vino 0,3 foizga, pivo 0,1 foizga qimmatlashdi. Tamaki mahsulotlari 0,7 foizga qimmatlashdi.