Britaniyaning Ekseter universitetining olimlari, iqlim o‘zgarishi banan hosiliga qanday ta’sir qilishini o‘rganishdi, deya xabar beradi Nature Climate Change jurnali.

Mutaxassislar 27 mamlakatda banan ishlab chiqarishni tahlil qilishdi. Ma’lum bo‘lishicha, global isish tufayli bu ekinning hosili 1961 yildan beri o‘sib borgan. Ammo haroratning doimiy oshishi teskari ta’sir ko‘rsatishi mumkin - 2050 yilga kelib banan butunlay yo‘q bo‘lib ketishi mumkin.

Ta’kidlanishicha, hozirgi kunda o‘nta mamlakatda banan hosildorligi yil sayin pasayib bormoqda. Xususan, Hindiston va Braziliya kelajakda ushbu hosilning eng katta tanqisligiga duch kelishi mumkin.

Olimlardan biri Dan Bebber, banan uchun eng jiddiy tahdidlardan biri «Panama kasalligi» deb hisoblanishini esladi. Uning sababi uproqda yashaydigan qo‘ziqorin Fusarium oxysporum f.sp..dir. Ushbu kasallik tufayli 1920 yillarda Markaziy Amerikadagi plantatsiyalar yo‘q qilindi.

Panama kasalligi Janubi-Sharqiy Osiyo, Lotin Amerikasi va Afrikadagi fermerlar uchun ham zararli hisoblanadi.

Bebberning so‘zlariga ko‘ra, kelajakda iqlim o‘zgarishiga tropik qishloq xo‘jaligini tayyorlash dasturlariga investitsiyalar zarur.