Oliy ta’lim vazirligi talaba qizlarga murojaat bilan chiqdi

Oliy ta’lim vazirligi talaba qizlarga murojaat bilan chiqdi

Oliy va o‘rta maxsus ta’lim vazirligi OTM talaba qizlariga murojaat qildi.

“Agar siz ta’lim olayotgan yoki mehnat qilayotgan oliygoh, professional ta’lim muassasasida sizga nisbatan biron-bir ko‘rinishda tegajog‘lik, tazyiq yoki zo‘ravonlik sodir etilgan bo‘lsa, yoxud ana shunday nojo‘ya xatti- harakatlar tahdidi ostida bo‘lsangiz yoki guvohi bo‘lgan bo‘lsangiz, hech ikkilanmay Oliy va o‘rta maxsus ta’lim vazirligining 1006 ishonch telefoniga yoki @himoya_otv_bot Telegram-botiga murojaat qiling‘’, - keltiradi vazirlik.

Shuningdek, vazirlik bunda shaxs va shaxsiy ma’lumotlar sir saqlanishini kafolatlashni ma’lum qilgan.

“Sizga zarur bo‘lgan barcha yordam ko‘rsatiladi, nojo‘ya xatti-harakatlarga yo‘l qo‘ymaslik, sodir etilgan har bir holat bo‘yicha qat’iy choralar ko‘rilishi ta’minlanadi”, - deyiladi xabarda.