Oliy va o‘rta maxsus ta’lim vaziri Abduqodir Toshqulov Namanganga safari davomida hududdagi OTMlar qatori Namangan davlat universitetida bo‘lib, o‘quv jarayonlari, talabalarga yaratilgan sharoitlar bilan tanishdi.

Universitetda yangi quriladigan Innovatsiya fakulteti loyihasi bilan tanishgan vazir shu yerda, universitet olimlari bilan suhbatlashdi. Vazir yangi innovatsion loyiha taqdimoti bilan tanishtirildi. Bu loyiha ekologik toza va tabiiy bo‘lgan fito damlamalar ishlab chiqarish loyihasi. Vazirdan mazkur loyihani amalga oshirish uchun 1 mlrd. so‘m mablag‘ bilan qo‘llab-quvvatlashni, qolgan harajatlar universitetni ichki imkoniyatlari hisobidan qoplanishi so‘raldi. O‘z navbatida vazir bu taklifni albatta qo‘llab-quvvatlashini bildirdi.