OPEK + davlatlari neft qazib olishni yana bir oyga - avgust oyining boshiga qadar qisqartirish bo‘yicha bitimni uzaytirishga kelishib oldi. Bu haqda Bloomberg agentligi xabar beradi.
Shunday qilib, iyul oyida, may-iyun oylarida bo‘lgani kabi,
kunlik neft qazib olish miqdori 9,7 million barrelni tashkil qiladi. Shartnomaning oldingi parametrlariga ko‘ra, yilning ikkinchi yarmida kuniga 7,7 million barrelga kamaytirish rejalashtirilgan edi.
Shartnoma ikki yirik yetkazib beruvchilar - Rossiya va Saudiya Arabistoni tomonidan qo‘llab-quvvatlandi. Reuters xabariga ko‘ra, Saudiya Arabistoni hatto kvotalarni 2020 yil dekabr oxirigacha uzaytirishni taklif qildi.
Mart oyining boshida OPEK + oldingi bitimining buzilishi va koronavirus fonida talabning pasayishi sababli, jahon bozorida neft narxi sezilarli darajada pasaydi.
Aprel oyining boshida OPEK + ishlab chiqarishning rekord darajadagi pasayishi to‘g‘risida kelishib oldi, bu esa jahon bozorlarida neft narxini mustahkamlashga yordam berdi.