Ota-onaga ham aliment to‘lanadimi?

Ota-onaga ham aliment to‘lanadimi?

O‘zbekiston Respublikasining Oila kodeksi 110-moddasida fuqarolarning ota-onaga beradigan ta’minoti miqdori va tartibi belgilangan.

Unga ko‘ra, voyaga yetgan, mehnatga layoqatli bolalar mehnatga layoqatsiz, yordamga muhtoj o‘z ota-onasiga ta’minot berishlari va ular to‘g‘risida g‘amxo‘rlik qilishlari shart.

Ota-onasining davlat va nodavlat muassasalari qaramog‘ida ekanligi voyaga yetgan mehnatga layoqatli bolalarni ota-ona haqida g‘amxo‘rlik qilish va ularga moddiy yordam ko‘rsatish majburiyatidan ozod qilmaydi.

Voyaga yetgan, mehnatga layoqatli bolalar o‘z ota-onasiga ixtiyoriy ravishda moddiy yordam berishdan bo‘yin tovlasalar, ota-ona talabiga ko‘ra ta’minot sudning hal qiluv qaroriga asosan belgilanadi.

Bunda ota-onaga aliment miqdorini belgilashda sud voyaga yetgan, mehnatga layoqatli bolalarning barchasini hisobga olishi lozim.