“Ayrim mansabdorlar – hokimlar ham, tashkilot rahbarlari ham shunday og‘ir vaziyatda xalq uchun turib beradigan odamlar emas ekan. Ularda qiyinchilik davrda ham ‘Men qimmat mashina olishim, lyuks sharoitda yashashim kerak’, degan shaxsiy manfaati ustunligi ayon bo‘ldi. Bunaqa odamlar bilan O‘zbekistonni qurib bo‘lmaydi. Biz buni ko‘rdik, shunaqalar bor ekan. Biz ajratib, ko‘rib oldik.
Kimki qing‘irliklarga yo‘l qo‘ygan bo‘lsa, yaxshi sherik emasliklarini isbotlab berdi. Ular istalgan vaqtda oyog‘ingizdan chalishi, ishonchni yo‘qotishi mumkin bo‘lgan odamlar. Xalq maqolida aytilganidek, otning o‘limi itning bayrami bo‘ldi. Qaytaga, ko‘pchilik yordam berishga harakat qilayotgan bir vaqtda bular boylik orttirishga harakat qildi.
Yana qaytarib aytaman, bunaqa odamlar bilan kelajakni qurib bo‘lmaydi! Umid qilamanki, ularning kim ekanligiga vaqti soati kelib baho beriladi”, – dedi deputat “Daryo”ga bergan intervyusida“