Ozarbayjon Respublikasi Favqulodda va Muxtor Elchisi tashrif buyurdi
15.03.2021 17:35,
90
2021 yil 15 mart kuni O‘zbekiston Respublikasi Tashqi ishlar vaziri Abdulaziz Kamilov Ozarbayjon Respublikasi Favqulodda va Muxtor Elchisi Guseyn Guliyevni qabul qildi. Bu haqida Tashqi ishlar vazirligi Axborot xizmati xabar bermoqda.
Bo‘lib o‘tgan suhbat chog‘ida O‘zbekiston va Ozarbayjon o‘rtasidagi ko‘p qirrali munosabatlarning bugungi holati va rivojlanish istiqbollari muhokama qilindi. Bo‘lib o‘tajak tadbirlar jadvali va ularning tashkiliy jihatlari ko‘rib chiqildi.