31 may kuni tunda noma’lum xakerlar "O‘zavtosanoat" kompaniyasining rasmiy sayti - uzautomotors.com saytiga hujum qilishdi. Hujum saytning vaqtincha ishlamay qolishiga sabab bo‘ldi. Bu haqda kompaniyaning telegram-kanali xabar bermoqda.

Xakerlar saytning bosh sahifasida quyidagicha yozuv qoldirgan: "Where is the Security! Please repair your website! If you don’t it will be hacked as this!" (Qani xavfsizlik! Iltimos, veb-sahifangizni ta’mirlang. Agar bunday qilmasangiz, u yana shunday hujumga duch keladi!). 

Kompaniya mutaxassislari saytdagi birorta fayl va sahifaga zarar yetmaganini aniqladilar va qisqa vaqt ichida sayt qayta tiklandi.

Hozirda kompaniyaning veb-sahifasi avvalgidek ishlayapti.